Sonntag, 24. April 2011

und diä ander...

Bi dr zweitä Chartä hani dr Schriftzug scho Ewig dihei. Dank Scrap and Stamp, hani jetzt dr passendi Täschästämpel gfundä und so isch sie pefekt für üseri Tochter!!

Ich wünschä allnä minä Blog-Läserinnä noch ä schöni Rest-Osterä.
äs liäbs Grüässli
Doris



mir gfallt diä Couch...

Da mir erst morä Gescht händ, han ich dr Ostersunntig meh oder weniger im Bastelzimmer verbracht. I derä Ziit sind zwei Chartä entstandä. Diä mit dr Tilda und em Erwin hani scho laaaang wellä usprobiärä, will mir diä Couch so guät gfallt. 


  

Freitag, 22. April 2011

Nummerä zwei und drüü...

...sind jetzt lackiärt und dr Liim scho fascht trochä, so dass diä Teeboxä bald zu ihrnä nüä Bsitzerinnä chänd wächslä. Ich hoffä ganz fescht, dass ich dr Gschmack vu denä Teetrinkerinnä troffä han!!
Ich wünschä allnä Läserinnä en ruhigä Karfriitig!!
liäbs Grüässli
Doris






Mittwoch, 20. April 2011

was isch dänn uf zMal los...

...dass ich grad viär Teeboxä dörf uf Bstellig machä!! Und das zum nä Ziitpunkt woni eigentlich gar kei  Ziit zum scräpä ha, will ich so viel i dr Fuässpflääg ztuä ha. Alli wänd schöni Füässli uf dr Summer!! :-)
Janu, step by step und drum isch das jetzt diä ersti, vu denä zwei wo scho fertig sind!
äs liäbs Grüässli und vu Herzä en schönä Früäligstag!!




Sonntag, 17. April 2011

mini Sunntigsarbet...

Woni dBuchhaltig dä ändlich fertig gmacht han, hani "dörfä" an Scraptisch sitzä. Schliässlich möcht ich mich nach derä trochnä Büroarbet au belohnä.
Eigentlich bini anerä Teebox dra, aber det muäss dr Liim tröchnä und drum hani idr Zwüschäziit das Truurchärtli gmacht.
Allnä zämä noch en schönä Sunntig Namittag!!
liäbä Gruäss
Doris



Mittwoch, 13. April 2011

happy birthday Arax...

Hüt hät üsers jüngstä Familiämitglied Geburtstag. Üser Berner Niederlaufhund heisst Arax und wird hüt sächsi!! Ä Chartä han ich ihm keini bastlet, aber er hät en Cervelat übercho.  Er hät sie soooo schnäll gfrässä, dass dFotikamera und ich zlangsam gsi sind um uf scharf zstellä!!
Happy birthday Arax und en guätä!!



wer wunderets...wieder ä Tilda..,:-)

Ich ha ja scho es paar verschiedäni Magnolias und hüt han ich mich zum erstä Mal as zämäsetzä vu zwei Stämpelabdrück gwaget. D Schwierigkeit für mich isch gsi, dass dHänd genau am rächtä Ort uf em Bänklirand sind.  Abermit ämnä chlinä Trick häts dänn klappet. Mir gfallt diä Chartä besser als diä rot/gälb vum letstä Post, wills diä fiinerä Farbä sind, Ton in Ton isch glaub scho mini Stärchi!
Dankä fürs inägügslä und en wunderschönä Tag...



Freitag, 8. April 2011

Danggä Tini...

...dank dir weiss ich jetzt was ä Easel-Chartä isch... ;-)
und has natürlich grad müäsä uusprobiärä!
Danggä vielmal...





Donnerstag, 7. April 2011

für dSusann...

Für's Ketting, mit em Thema Schmätterling, hani diä Chartä gmacht und wiäni gläsä ha hät sie a dr Susann sehr guät gfallä. Da bini aber scho noch froh, mä weiss ja niä, öb mä dr Gschmack vu dr Ketting-Partneri trifft.
Liäbs Grüässli a alli!!!

Dienstag, 5. April 2011

zur Konfirmation...

Ä Kollegin hät mich gfraget, öb ich ihrä für näs Meitli ä Chartä zur Konfirmation machä würdi.
Ich ha sie nöd wellä überfüllä und doch händ diä wichtigä Symbol nöd dörfä fählä.



wiä versprochä....

...zeig ich üch, dass ich au Chartä ohni Tildas cha machä!
Mir gfallt der Stempel sehr guät für Wandervögel und Wältreisendi.
liäbs Grüässli und en wunderschönä Tag