Donnerstag, 31. März 2011

Spruch vum Tag...

Die schönsten Erinnerungen
sammelt man immer zu zweit!!

...i dem Sinn wünsch ich üch en wunderbarä Tag, vollä vu schönä Erinnerigä!!!
liäbs Grüässli
Doris

Dienstag, 29. März 2011

ups...

...aso nei... min Hindergrund isch verschwundä, eifach so!! Kei Ahnig warum??? Jetzt han ich mich für näs Blogger tauglichs Modäll entschiedä!!
Dots wohin man sieht!!!
Ich hoffä, dass es üch trotzdem gfallt, bi mir uf em Blog!!

Montag, 28. März 2011

und scho wieder ä Tilda...

Will ich unbedingt diä zwei nüä Stanzer ha wellä usprobiärä, hani halt numal müäsä ä Tilda stämplä! Aber dr Gartäzuu und ds Gras passet doch würkli guät zu dä Magnolias!! Ich versprich üch, dass diä nächsti Chartä im Blog kei Tilda meh isch... sicher!! :-)


Sonntag, 27. März 2011

gester bini amnä Kurs gsi...

Gester hani, bi Scrap and Stamp, das Album oder Büächli gmacht. Dr Kurs gleitet hät z Esther Holzer und sie hät das würkli super gmacht!! Jedes Album hät andersch usgseh und jedes hät sini eigeni Usstrahlig ka. Ich lah bim mim Objekt noch offä, öbs ämal es Album, es Chochbüäch oder ä ganz spezielli Chartä git, drum hani noch kei Titel gmacht. Es isch sehr schön gsi, dass alli mit ihrem Ergäbnis meh als zfriedä gsi sind!! Dankä Esther, und au am Corinne, für dä lustigi und intressanti Kurs!! Ich chumä ganz sicher wieder ämal!!!
Allnä minä Blog-Gescht en wunderschönä, erholsamä Sunntig!!
liäbs Grüässli, Doris





Freitag, 25. März 2011

Spruch vum Tag...

Dass du jemanden in deiner Nähe hast,
dem du dein Herz öffnen kannst,
der dir zuhört und dir Halt gibt,
das wünsch ich dir.

Dienstag, 22. März 2011

für ä ganz guäti Fründin...

Bi mir isch glaub würkli z Magnolia-Fiäber uusbrochä!! So viel Stämpel hani scho lang nümmä kauft, aber mir gfallets eifach zu guät! ;-)
Diä Tilda hani vunerä ganz liäbä Fründin gschänkt übercho und hasi hüt natürlich grad müäsä usprobiärä. Und bevor sie morä diä Chartä im Briäfchastä hät, hasi noch schnäll gfötelet.
Übrigens hanis dermal mit dä Tombows coloriärt!!
Wünschä üch allnä ä guäti Ziit und au sonä liäbi Fründin!!!!

Montag, 14. März 2011

Entspannig pur...

Min Maa hät mich ines Entspannigswochäändi iigladä, es isch mega schöön gsi!! Aber leider scho wieder verbii! Ich ha sogar ganz wenig zum malä dörfä mitneh.... :-)
Mal luägä öb ich diä Wuchä drzuä chumä us denä Werchli au diä einti oder anderi Chartä zmachä!

Donnerstag, 10. März 2011

Judihuii... dr Früählig chunt...

... das isch dr Biitrag vu mim erstä Ketting zu Thema Früählig. Sit ich im Forum drbii bi, bini än richtigä Tilda-Fan wordä. Ich hoffä Scrapandstamp hät a dr Cha nöd zuviel nüi Magnolias iikauft!! 
allnä zämä än schönä Tag!

Mittwoch, 9. März 2011

Geburigschänk

Vu mini zwei Liäblingsmannä, han ich ä sonä cools Geburigschänk übercho.
Mit dr Ornig vu minä Bändälirollä bini bis jetzt nöd so zfridä gsi und ich glaubä minä Maa au nöd!!! Drum hät er bi mim Vater diä drüü Holzchischtä in Uuftrag geh. Ich glaub es git nüt wo diä zwei nöd chänd machä!!! Und zämä sinds äs Dreamteam!! Ich ha mega Freud...und han diä zwei fescht gerä!!!

Dienstag, 8. März 2011

wohndeko

min Dekorahmä hät hüt wieder äs nüüs Gsicht übercho...