Sonntag, 29. Mai 2011

ä Tilda i blau-bruun...

So wiä mir abgmacht händ, hani noch ä Chartä in blau-bruun Töön gmacht. Passend zu minerä Summerdeko! Ich hoffä ihr händ än schönä Sunntig ka und wünschä üch noch en ruhigä Abig!!

Liäbs Grüässli


mini Ergäbnis vu gester...

Gester bini gaaaaaaaanz äleigä diheimä gsi. Aber ich bi öppä gar nöd truurig drüber gsi!!! Näbst dr Summerdeko sind noch diä zwei Chartä entstandä. Fürs coloriärä hani wieder ämal d Aquarell-Farbstift fürägno.... entscheidet sälber öbs üch gfallet!!

PS: diä bruu-blau Chartä isch i dr Arbet...ich has nöd vergässä!!!

liäbs Grüässli
Doris




 

Samstag, 28. Mai 2011

bi üs diheimä isch dr Summer iizogä...

Zwei vu üsernä multifunktionalä Dekorationä händ dFarb gwächslet...vum Früähligs-grüän uf Summer-blau! Das sind genau mini Farbä! Villicht enstaht ja morä es Chärtli i denä blau-bruun Tön...mal luägä.
Allnä zämä en schönä Abig und en ruhigä, erholsamä Sunntig..

liäbs Grüässli
Doris





Donnerstag, 26. Mai 2011

min Biitrag zum Ketting Vögel...

Bald isch der Munet Mai scho wieder verbii und drum wett ich üch noch mini Chartä zum Thema Vögel zeigä. Ich glaubä sie isch bi dr Empfängeri sehr guät acho.
Ich wünschä üch en stressfriiä Tag
liäbs Grüässli
Doris

Mittwoch, 25. Mai 2011

wiä versprochä...

...muäss ich üch ja noch zErgäbnis vu gester Namittag zeigä. Der Müüslistämpel isch us minerä erstä Scrapbookingziit und einä vu minä Liäblingsstuck. Der wird sicher niä uf em Megacrop-Flohmärttisch landä!!

liäbs Grüässli und allnä en schönä Tag
Doris




Dienstag, 24. Mai 2011

au ich han ä Liäblingstassä...

Es paar vu minä Liäblingsblog-Schriiberinnä händ mich inspiriärt, mir Gedankä über mini Liäblingstassä zmachä. Ich trinkä gar kei Kafi und drum sind mini Exemplar Teetassä. Will ich Ängel mega liäbä, häts au uf minä zwei Beggäli, wiäs uf Glarnerdüütsch heisset, so liäblichi Weesä!

Und... wiä gseht ücherä Liäblingstassä us??

diä Ängeltassä isch sicher scho 5jährig und ich ha si vu üserer Tochter Deborah uf nä Wiähnacht gschänkt übercho! Ich liäbs sie...dTassä und dTochter!!!


...und bi derä Tassä gfallet mir nöd numä dÄngäli sondern diä spezielli Form!!


Donnerstag, 19. Mai 2011

ä chliis Wunder...

Am Jubi-Crop han ich noch gnuäg Ziit ka zum äs chliis Album zmachä. D Idee hani vum Franziska überno und es paar Stämpel vu Crop-Teilnehmerinnä usglehnt ! A derä Stell numal allnä ganz vielä Dank!!
Z Amy isch zGöttimeitäli vu mim Maa und i dr Zwüschäziit scho bald 3 Jahe alt. Aber immer noch soooo nä Schnügel, oder wiä ihrä Papi immer seit: ä Buhnä!!!!
Viliicht gits a derä Stell gli ämal äs Album mit Fötäli wo si grösser isch, wer weiss!!

Liäbs Grüässli
Doris









Dienstag, 17. Mai 2011

jetzt machi mal Werbig für d Daniela...

Diä meischtä wo mich känned, wüssed, dass ich ä guäti Kollegin vum Daniela R. bin. Uf ihrem Blog hät si ä nüs Label gstartet. Sie cha nöd nur uusinnig guäti Russäzöpf bachä und geniali Hochziitsalbum scräpä. Sie macht au wahnsinnig tolli töpfereti Kunstwerch. Will mir dr Cherzäständer, woni bi ihrä bstellt ha, so guät gfallt, möcht ich der uf minerä Siitä numal presentiärä.
Bstelligä nimmt zDaniela sehr gerä entgägä! :-)
Liäbs Grüässli

Doris




Sonntag, 15. Mai 2011

au es paar Magnolias dörfed nöd fählä...





bi dem Wätter....

...bliibt dä kreativä Lüüüt ja gar nüt anders übrig als im Baschtelzimmer zhögglä und äs bitzli znuschelä, Scrapbooking Heftli zstudiärä und alli Ideeä wo sich vu dä Schön-Wätter-Täg aagsammlet händ umzsetztä!!
So isch es mir au gangä, aber zerst hani ämal müäsä Platz machä uf mim Tisch. Det hät es riesä Chaos gherrscht, vu Papierreschtä bis Scrap and Stamp Liefrigä und vu halbfertigä Chartä bis zum überfülltä Papierchorb, gfindet mä alles!!! ggggrrrrr....
Aber jetzt hani dTischplattä wieder gfundä und ha au scho wieder es paar Sachä gmacht.

Viel Spass
Doris



Montag, 9. Mai 2011

diä erstä Ergäbnis vu mim Scrap-Weekend...

Es isch Mäntig Morgä und ds ganzi Scrap-Weekend kört scho wieder dr Vergangäheit a. Es isch sooo schön gsi, eifach ämal vum Alltag abschaltä. "Numä" scräpä, tolli Lüüt kännälernä und schöni Gspräch füährä, das isch mis Ziil gsi vu dem Mega-Crop!!!
Diä erstä Ergäbnis vum Scrap-Weekend hani scho veschänkt. Der Keilrahmä mit minä Elterä druuf isch sehr guät aacho und ich hoffä, dass er es Ehräplätzli überchunt!





Freitag, 6. Mai 2011

ändlich....

Ändlich isch es sowit und zWuchäändi vum Juiläums Megacrop isch da! Vieli vu minä Blog Läserinnä sind ja vermuätlich au drbii und freued sich, genau wiä ich, uf näs kreativs, unterhaltsams, ustuschfreudigs, lehrrichs und sicher au luschtigs Weekend!! Für nä Maa vermuätlich en Horror, öppä 60 Frauä, wo scrappet, giggelet und schwätzet!!
Ich wünschä allnä minä Läserinnä äs mega Wuchäändi, öb bim scäppä oder au nöd!!

liäbs Grüässli
Doris

Sonntag, 1. Mai 2011

rot gfallt mir eigentlich nöd so guät...

...aber dr Mohn i üserem Gartä, find ich genial!!! Numä schaad, dass er so schnäll wieder verblüäht isch. Drum hani das mit em Fotiapparat müäsä festhaltä.