Donnerstag, 30. Juni 2011

für dr Til...

Es isch wieder ämal es Baby geborä!! Ich möchts nöd underloh a dem chlinä Wunder und sinerä Familiä vu Herzä alles Guäti zwünschä und ich hoffä ganz fescht, dass diä Chartä bim Mami au guät acho isch....es isch ä Scrapperin!!

PS: diä vesprochnig Frauä-Geburi-Chartä chani erst morä uf dr Blog tuä, suscht gsehts Geburtstagschind scho bevor ich sie ihrä übergibä!!

Liäbs Grüässli 
Doris



Mittwoch, 29. Juni 2011

für nä Maa...

Für nä 50.igstä Geburtstag hani dörfä ä Chartä machä. Z GeburiChind tuät sehr gerä chochä, grilliärä und au ässä, drum, meinä ich, passt der Grillmeischter perfekt!!! Ich hoffä jetzt nur sie sigi gester au guät acho!
Und hüt machi grad numal ä Geburichartä, aber dermal für nä Frau...ich sägä üch dänn morä für wer!!!

Wünschä allnä Läserinnä en wunderschönä Tag
Doris
...und grad numal eini id Reservä!


Sonntag, 26. Juni 2011

und numal ä Teebox...

Scho vor längerer Ziit hät ä Nachbüüri bi mir ä Teebox bstellt. Ich ha ihrä gseit äs chänti i minerä Fuässpfläg-Hochsaison äs bitz länger duurä. Aber gester isch sie fertig wordä...ändlich! Dr Uftrag isch gsi bruun-türkis und ich hoffä, dass sie ihrä guät gfallt!!

Liäbs Grüässli und allnä ä schöni Wuchä!!
Doris







Donnerstag, 23. Juni 2011

äs Mitbringsel wo jedä cha bruchä...

Näbst minä Chärtli- und Teeboxä-Phasä, hani uf ämnä Blog wieder ämal öppis gfundä wo mi grad zum nachämachä animiärt hät.  Diä Zäddelbox cha sicher jedä irgendwo im Huushalt bruchä! Villicht machts üch ja au grad a zum si usprobiärä. Viel Spass drbii!!!








Sonntag, 19. Juni 2011

grad frisch kauft...

Am letstä Mittwuch Abig bini am Bastelträff bi Scrap and Stamp in Rickäbach gsi. Obwohl ich mir fescht vorgno han im Momänt kei Stämpel meh zchaufä(ussert Magnolias natürlich!!!), hani a dem Prachtsexemplar nöd chännä verbiilaufä!! Sooooo romantisch und verträumt, mir isch er grad is Aug stochä! Ich chan üch nöd ämal sägä, öb er scho länger im Shop isch oder nöd!! Uf alli Fäll hät dr Ziitpunkt grad passt und am grüüsigä Wätter zliäb hanä grad uusprobiärt...

Liäbs Grüässli und noch en ruhigä Sunntig
Doris


Montag, 13. Juni 2011

für d Aline...

Mim Maa sis Gottämeitli, d Aline, hät hüt Geburi. Will sie liidäschaftlich gerä und sehr guät Klaviär spielt, han ich mir bim Daniela en Stämpel usglehnt. Das heisst ich bi gester fascht dr ganzi Tag bi ihrä im Schnipselstudio gsi (meh da drüber äs bitz speter) und ha das Chärtli dettä usgmalet!
Ich hoffä, es gfallt ihrä...bi Teenager isch das immer ächlei schwierig!!!

Liäbs Grüässli
Doris





Samstag, 11. Juni 2011

min erstä Chartä-Lift-Zirkel...

Zum erstä Mal hani amnä Chartä-Lift-Zirkel mitgmacht und bi würkli sehr gspannt gsi, wiä diä Chetti vu veschiedänä Ideeä am Schluss usgseht. Der nüü Zirkel hät scho wieder aagfangä und drum chan ich üch mis Ergäbnis jetzt zeigä. Wänn ihr diä ganz Reihä wettet gseh, gönd doch bi Scrap and Stampi dr Galerie go luägä, es lohnt sich!!

Viel Spass und trotz am Rägä än schönä erholsamä Namittag

Liäbs Grüässli
Doris



Dienstag, 7. Juni 2011

zweitä Versuäch...

Äs isch zwar scho es ziitli her, aber villicht cha sich ja öpper a diä Hochziitschartä errinnerä. Mir gfallt diä nostalgisch Couch so guät. Und doch hani mit derä Chartä äs Problem ka, sie isch eifach nöd so usächo, wiä ich mir das vorgstellt ha. Dr Edwin isch viel chliiner als dTilda und gseht so stiif us näbed ihrä!!

Aber jetzt hani dr richtig Edwin gfundä!! Der passt perfekt und ich glaubä diä zwei köred au zämä!! :-)
Mir gfallt diä nüü Chartä viel besser und so wird ich der Stempel mit dr Couch wieder viel meh bruchä.

Liäbs Grüässli a alli
Doris




so ärgerlich....

Hallo mitänand....
scho sit sicher 10 Täg, chan ich bi ä huufä vu minä Liäblingsblogs kein Kommentar meh abgeh! Kei Ahnig warum, das isch so ärgerlich. Mis Google Konto bestaht ja, grrrrrrrr!!!! Sust würs ja nöd bi dä eintä Blogs funktioniärä!!
Mäh tuät ja en Kommentar nöd überall glich "aamäldä". Hät das mit änerä Grundiistellig ztuä? Oder chamä das änderä? Villicht cha mir ja öppert vu üch hälfä!! Das ärgeret mich würkli!
Ich ha das jetzt eifach ämal wellä loswerdä, nöd dass diä einä vu üch meinet mir gfallet ücheri Biiträg nümmä. Neiiiiiiiiiiii sicher nöd, ich chas eifach nöd kommentiärä!!!
SORRY!!!! 

wünschä trotzdem allnä minä Läserinnä ä guäti Ziit und bis gli wieder

Doris